Шухрат Пўлатов Осиё чемпионати саралашида ишлайди
06 dec 2013 19:03
News

Шухрат Пўлатов Осиё чемпионати саралашида ишлайди

8-12 декабрь кунлари футзал бўйича 2014 йилги Осиё чемпионати Ғарбий минтақаси саралаш гуруҳи ўйинлари бўлиб ўтади.

Малайзияда бўлиб ўтадиган саралашда бешта жамоа иштирок этади: Кувайт, Ливан, Қатар, Ироқ ва Саудия Арабистони.

Бу жамоалардан учтаси 2014 йил Вьетнамда бўлиб ўтадиган Осиё чемпионатига йўлланма олади.

Олган маълумотларимизга кўра, Ўзбекистондаги ягона ФИФА футзал рефериси Шухрат Пўлатов ушбу саралаш ўйинларига чақирув олган. Шунингдек саралашда қуйидаги ҳакамлар ишлайди: Кристофер Даниел, Скот Кидсон (иккиси Австралия), Хелдай Идан (Малайзия), Нурдин Букуев (Қирғизистон), Воҳид Азпияма (Эрон), Ютакон Майкет (Таиланд)

Осиё чемпионати финал босқичига йўлланма олган жамоалар рўйхати: Вьетнам, Япония, Таиланд, Эрон, Хитой Тайпеи, Хитой, Жанубий Корея, Индонезия, Австралия, Малайзия, ЎЗБЕКИСТОН, Тожикистон, Қирғизистон.

Вьетнамдаги Осиё чемпионати 30 апрель-10 май кунлари оралиғида бўлиб ўтади.

Link :

Source : championat.asia

Receive latest football news directly on your phone. Subscribe for our Telegram channel!

Rating: