Шукурали Пўлатов: "Нефтчи"ни тарк этдим"
13 dec 2013 08:04
News

Шукурали Пўлатов: "Нефтчи"ни тарк этдим"

Охирги кунларда "Нефтчи" лагерини бирин кетин етакчилар тарк этмоқда.

Ҳимоя марказида мазмунли ҳаракатлари билан маҳаллий мухлисларнинг олқишига сазовор бўлган Шукурали Пўлатовнинг фарғоналиклар билан тузган шартномаси ўз кучини йўқотганди. Шу боис футболчи келгуси тақдирини бошқа бир жамоа билан боғламоқчи.

- Узоқ ўйланишлардан сўнг, кеча расман "Нефтчи"ни тарк этдим. Кеча базага бориб, жамоа аъзолари билан хайрлашиб келдим. Олдимда бир нечта вариантлар бор. Уларнинг ичида "Бунёдкор"дан келиб тушган таклиф қизиқроқ туюлмоқда. Ниятим келаси йил ўзимни ОЧЛ баҳсларида синаб кўриш. "Нефтчи"да энг катта турнир мен учун бу - ОФК Кубоги мусобақаси бўлди. Насиб қилса энди ОЧЛда ҳам ўйнайман. Мамлакатимиз чемпиони сафига қачон қўшилишим аниқ эмас. Бу вариант ҳали амалга ошадими йўқми вақт кўрсатади", - дейди Шукурали Пўлатов "CА" сайтига.

Фотода Шукурали Пўлатов "Локомотив"га кўчиб ўтган Анвар Ғофуровга қарши.

Link :

Source : championat.asia

Receive latest football news directly on your phone. Subscribe for our Telegram channel!

Rating: