Шукурали Пўлатов: “Машғулотларда жарима зарбаларини тепиш борасида ишлайман”

Мезбонларнинг учинчи голига муаллифлик қилган Шукурали Пўлатов ўйиндан сўнг ўз фикрлари билан ўртоқлашди.

- “Олмалиқ” билан ўйин масъулиятли эканлигини ҳис қилган холда майдонга чиққандик. Бу ўйин олти очкога тенг учрашув эди. Чунки турнир жадвалида “Нефтчи” ва “Олмалиқ” ёнма-ён ўрин эгаллаб турганди. Бир очколик фарқ билан кетяпмиз. Бугунги ғалаба билан ишқибозларимизни ва бутун жамоамиз аъзоларини табриклайман.

- Учрашувни эрта бошланиши албатта салбий таъсир ўтказди. Шу кунга келиб ҳаво ҳарорати ҳам 30 даражадан юқори бўлмоқда. Айниқса биринчи таймда қийин бўлди. Кун иссиқлиги сабабли ҳар икки жамоа футболчилари ҳам ўзида тўпни ушлашга харакат қилди.

- “Олмалиқ” жамоаси жуда кучли. Таркибида ҳам маҳоратли ўйинчилар йиғилган. Жамоавий ўйин бор уларда. Буни олдиндан билардик. Кутганимиздек бугун осон бўлмади.
- Жаримадан урган голимга келадиган бўлсак, бу борада машғулот жараёнида ишлайман. Бугун мехнатимиз зое кетмади – дейди Шукурали Пўлатов.

Исломбек Рустамбеков.