Шуҳрат Раҳмонқулов: "Финалда ким омадлироқ бўлса ўша ютади"

Шуҳрат Раҳмонқулов (16-БЎСМ директори): “Иккала жамоанинг ҳам имкониятларини тенг баҳолайман. Футболда кўп нарсага омадга боғлиқ. Шундан келиб чиқиб айтишим мумкинки, ўша куни омад қайси томонга кулиб боқса, ўша жамоа ғалаба қозонади. Жамоаларнинг ҳозирги ҳолати турлича бўлиши мумкин. Лекин унутмаслик керак, кубок финали битта ўйиндан иборат бўлади. Ҳар қандай ҳолатда ҳам битта учрашувга юқори спорт формасида тайёргарлик кўриш мумкин. Шахсий фикрим ва тахминимни айтадиган бўлсам, “Насаф” жамоасининг имконияти бирозгина юқорироқ. Аммо, яна юқоридаги фикримга қайтаман, финал ўйинида ҳамма нарса бўлиши мумкин”.