Шуҳрат Раҳмонқулов: “Биринчи лиганинг савияси йилдан-йилга тушиб кетмоқда”

- Ўйин ҳақида нима ҳам дердим, рақиб жамоа жуда ҳам бўш экан. Бу гапим билан уларни камситмоқчи эмасман. Лекин ҳақиқатдан ҳам ғиждувонликлар жиддий қаршилик кўрсата олишмади. “Пахтакор-2”ни кучли ўйин кўрсатди дея олмайман. Йигитлар ҳар доимгидек ўйинни намойиш этди. Рақиб жамоанинг кучсиз эканлиги илк дақиқаларданоқ билиниб қолди. 3-дақиқада ҳисоб очилгач, кейин ҳаммаси бизнинг фойдамизга ҳал бўлди. Биринчи таймнинг ўзидаёқ ҳисоб 4:0 кўринишга келганди. Энди ўзингиз хулоса қилаверинг. Айтишларича “Ғиждувон” Тошкентга бир нечта жиддий йўқотишлар билан келган экан. Балки тажрибали футболчиларининг йўқлиги уларга таъсир ўтказгандир.  

- Очиғини айтганда, биринчи лиганинг савияси йилдан-йилга тушиб кетмоқда. Бунга нима сабаб бўлаётгани ёки қандай қилиб савияни ошириш керак деган савол кўндаланг турибди. Аниқ бир нима дейиш қийин. Илгари биринчи лига ўйинлари бошқача руҳ остида ўтарди. Ҳозир ҳудди бир шаҳар биринчилигига ўхшаб қолгандек туюлмоқда. Оддий бир мисол айтадиган бўлсам, яқин-яқингача “Пахтакор-2”даги йигитлар ўйинга тушаётганида рақибдан озгина бўлсада, ҳайиқиб тушарди. Чунки биласиз бизда академия битирувчилари харакат қилади. Шу боис ўзларидан бир мунча тажрибали бўлган рақиблари олдида йирик ҳисобда таслим бўлмасмикин деган фикр янграрди. Бугунги кунда эса ёш футболчиларимиз ўйинга ҳотиржам чиқиб келишмоқда. Уларда ҳеч қандай қўрқув ёки ҳаяжон йўқ.

Исломбек Рустамбеков.