Шуҳрат Мақсудов: "Мусобақага тайёргарлигимиз қисқа бўлди"
16 jan 2014 23:47
News

Шуҳрат Мақсудов: "Мусобақага тайёргарлигимиз қисқа бўлди"

Ўзбекистон U-22 бош мураббийи Шуҳрат Мақсудов Саудия Арабистонига қарши ўйиндан сўнг журналистлар саволига жавоб бераркан, мусобақага қисқа вақт тайёргарлик кўрилганини қайд этди.

Шуҳрат Мақсудов: «Битта гол ўйин тақдирини ҳал қилди. Бизга эса, кейинги босқичга чиқиш учун битта гол етмади. Аламли мағлубият бўлди. Бироқ йигитларимиз бор кучлари билан ҳаракат қилишди, уларга раҳмат айтаман. Вазифамиз – ҳимояда бехато ўйнаб, вазиятлардан фойдаланиш эди. Омадимиз келмади. Мусобақага тайёргарлигимиз қисқа бўлди, жисмонан жуда тайёр эмасмиз. Лекин йигитлар бор кучлари билан ўйнашди. Мусобақада футболчиларимиз жуда катта иштиёқ билан тўп суришди, бу мени жуда хурсанд қилди. Терма жамоамизнинг ярми 1993 йилдан кейин туғилган футболчилардан иборат. Улар учун яхши тажриба бўлди».

ЎФФ матбуот хизмати.

Link :

Source : championat.asia

Receive latest football news directly on your phone. Subscribe for our Telegram channel!

Rating: