Шота Арвеладзе: "Сидиқов 6 ойга сафдан чиқди"
26 may 2019 21:37
News

Шота Арвеладзе: "Сидиқов 6 ойга сафдан чиқди"

"Пахтакор" - АГМК (4:1) учрашувидан кейинги матбуот анжуманида Шота Арвеладзе ўз фикрларини билдирди.

"Осиё чемпионлар лигасидаги "Ал Аҳли"га қарши салбий натижадан кейин руҳан қийин эди. Биз ОЧЛга албатта қайтамиз, аммо бу вақт масаласи. Биринчи таймда омадимиз келди.

Тўрт кундан сўнг биз Лига Кубоги доирасида ўйнаймиз. Кўплаб футболчиларимиз терма жамоага кетишади, шу боис ёшларни синаб кўрдик.

Жавоҳир Сидиқов тахминан 6 ойга сафдан чиқди. Афсуски у мавсум охирида майдонга тушиши мумкин холос. Ҳамдамов ҳам икки ҳафтага сафдан чиқди. Ундан олдинроқ Садриддин Абдуллаев ҳам операция қилинганди.

Жаҳонгир Аҳмадов U-21 биринчилигида қизил карточка олди ва 3та ўйинни ўтказиб юборди. Ўнг қанотдаги Сайфиевнинг ҳаракатларини кузатиш қизиқ бўлди", - дейди Шота Арвеладзе.

Link :

Source : championat.asia

Receive latest football news directly on your phone. Subscribe for our Telegram channel!

Rating: +25