Шота Арвеладзе: "Сергеевнинг юбилей 100-голи? Қўшимча 100 доллар мукофот пули совға қиламиз"

- Биринчи навбатда бу ўйинда бизнинг барча ишларимиз ўхшагани, рақибда эса аксинча ҳолат кузатилганини таъкидлаш лозим. Учта рикошет ва бошқа голлар. Лекин шунга қарамай ҳисоб йирик кўринишга келганда ҳам жамоа тартибли, позицион тарафлама яхши ўйин кўрсатганини айтиш керак. Бундай ўйинлар жуда кам ва хавфли бўлади. "Қизилқум" аслида осон ютиладиган рақиб эмас. Улар чемпионатда бугунгидек бўш ўйин кўрсатишмайди. Бугунги ғалабадан ҳаволаниб кетиб, ортиқча гапирмаслик керак.

Мен жамоадаги статистикаларим билан чалғиб қолмаслигим керак. Асосий мақсад натижалар. Биринчи навбатда янги мавсумдаги илк вазифа, яъни ОЧЛ гуруҳ босқичига йўлланма олишни уддалагандик. Иккинчи қисмида эса қийин гуруҳдан чиқиб, мусобақада муносиб иштирок этишимиз лозим эди. Мамлакатга ўзбек футболини кеўрсатишни истагандик.

Тан олиш керак, ОЧЛда гуруҳимиз жуда қийин эди. Қатар терма жамоасида "Ал Садд"нинг 6-7 нафар футболчиларини кўрсам хурсанд бўламан. Биз улар билан тенгма-тенг ўйнагандик. Уларни уйда ҳам, Қатарда ҳам ютишимиз мумкин эди. "Ал Садд"даги терма жамоа аъзоларига Габи ва Хавини қўшсак, бу деярли Копа Америкада Аргентина, Колумбия ва Парагвай билан ўйнаётган Қатар терма жамоасига айланади. Бу жиҳат барчага келажакка яхши, позитив руҳда қараш кераклигини англатади, менимча. Барчамиз биргаликда ишлаб, ўз муаммоларимизни ҳал этишимиз лозим. 

Қайтараман, статистика билан овора бўлмай, олдимизда турган чемпионат ва кубок мусобақаларига эътибор қаратган маъқул. Ҳали чемпионатдаги мавсумнинг ярми ҳам ўтгани йўқ. 

Шуни истардимки, стадионга келадиган мухлислар кўпроқ бўлса. Бугун стадионга келган мухлислар учун яхши футбол кечаси бўлиб ўтди. Голлар, об-ҳаво яхшилиги, сифатли майдондаги футбол. Умид қиламанки, биз билан мавсум стартида бирга бўлган, ишқибозлар бу гапларимни эшитиб, стадионга қайтишади. 

Игорь Сергеевнинг 100-голи? Тўғриси буни ўйиндан кейин билдим. Шу боисдан ҳам ҳали алоҳида бу воқеа билан табриклаганимиз йўқ. Демак унга қўшимча сифатида 100 АҚШ доллари совға қиламиз (кулади). Бу ҳар бир голи 1 долларга тенг қиймат эканлигини билдирмайди, шунчаки юбилей голи бўлгани учун ҳазил тариқасида тез жавоб бердим. Игорни албатта юбилей голи билан алоҳида табриклаймиз. 

Трансфер компанияси? Селекция давом этмоқда. Биз лазаретдаги футболчиларни тикланишини кутяпмиз. Улар биринчи давра якунига қадар улгуришмади. Аммо кўпчиликда тикланиш жараёни тез ва яхши кетмоқда. Яхшибоев тез орада сафга қайтиши керак. Садриддин Абдуллаев ҳам қайтиши керак. Достон Ҳамдамов индивидуал машғулотларни бошлади. Жавоҳир Сидиқовни эса бироз кутишга тўғри келади. Кўрамиз.

Pakhtakor Marat Bikmayev - 7', Igor Sergeev - 13', Marat Bikmayev - 20', Dragan Ceran - 45', Igor Sergeev - 62', Dragan Ceran - 73', Vladimir Kozak - 83', Igor Sergeev - 85'

Superliga. Round 12 21/06/2019, 19:45 0 : 8 Finished

Qizilqum

45'

90'

7'  Marat Bikmayev

7'  Egor Krimets

13'  Igor Sergeev

13'  Sardor Sobirkhodjaev

20'  Marat Bikmayev

20'  Dragan Ceran

45'  Dragan Ceran

45'  Sardor Sobirkhodjaev

46'  Farrukh Sayfiev (Akrom Komilov)

62'  Igor Sergeev

62'  Jaloliddin Masharipov

64'  Sherzod Agzamov (Marco Simic)

68'  Odiljon Hamrobekov (Vladimir Kozak)

73'  Dragan Ceran

83'  Vladimir Kozak

83'  Jaloliddin Masharipov

85'  Igor Sergeev

85'  Marat Bikmayev

24'  Murod Bobojonov (Sardor Jahonov)

46'  Sherali Juraev (Элгужа Григалашвили)

69'  Элгужа Григалашвили

Open in Match Center

Қайд этиш керакки, "Қизилқум" устидан қозонилган мазкур ғалаба Шота Арвеладзенинг "Пахтакор" рулидаги 48-ютуғига айланди ва энг йирик ҳисобдаги ғалаба бўлди. Арвеладзенинг бугунги ўйини билан қўшиб ҳисоблаганда, беллашувлар сони 73тага етди. Статистика қуйидагича: 48 ғалаба, 13 дуранг ва 12 мағлубият. Тўплар нисбати: 143-58.