Latest news

08:40Бухорога Суперлига ўйинларини қайтариш ҳаракати бошланди  1 08:17Sofascore. Захирадан майдонга тушган Ўринбоев энг катта баҳолардан бирини олди  3 07:52"CAFA Nations Cup-2025" . Қўшниларимиз ўзаро дуранг ўйнаган учрашувдан ФОТОГАЛEРEЯ  0 07:25"Ал Иттиҳод" мавсумни йирик ғалаба билан бошлади. Бенземадан хет-трик  0 02:31Ла Лига. "Реал" ўз уйида икки дақиқада 2 та гол уриб, "Мальорка"ни мағлуб этди  25 02:25А Серия. "Наполи" ва "Рома"да минимал ғалаба, "Аталанта" Пармада дуранг қайд этди  1 02:20Лига 1. "Тулуза" ва ПСЖ ўртасидаги ўйинда 9 та гол урилди  2 02:16Туркия Суперлигаси. "Ризеспор" Истанбулда "Галатасарой"га мағлуб бўлди, Алиқулов 73 дақиқа ўйнади  4 01:05Бундеслига. "Аугсбург" ва "Бавария" ўртасидаги ўйинда 5 та гол урилди  4 01:01Карлуш Кейруш: "Очиғини айтаман, бугун ғалаба қозонишимиз керак эди"  18 00:30Кападзе: "Кечирасизлар, лекин интернетда ёзилаётган нарсалар барчага таъсир қилмоқда"  49 23:35Бельгия Про лигаси. "Антверпен" меҳмонда мағлубиятга учради, Ўринбоев захирадан ўйинга қўшилди  1 22:37Гарначо 40 млн фунт эвазига янги клубига ўтди  7 22:11Ла Лига. "Атлетико" бу сафар "Алавес"ни юта олмади. Симеоне жамоаси уч ўйинда 2 очко жамғарди  2 22:09Ровшан Мередов: "Бундай турнирлар орқали нималар қўшишимиз кераклигини кўриб оляпмиз"  8

Шота Арвеладзе: "Бугун кўпроқ шахмат ўйнадик" News

Шота Арвеладзе: "Бугун кўпроқ шахмат ўйнадик"

"Локомотив" - "Пахтакор" учрашувидан кейинги матбуот анжуманининг дастлабки қисмида меҳмонлар бош мураббийи Шота Арвеладзе ва ўйинда "шерлар" сафида энг яхши футболчи деб эътироф этилган Дилшод Раҳматуллаев иштирок этди.

- Биринчи навбатда стадионда ажойиб муҳит бўлганини таъкидлаб ўтган бўлардим. Айнан шундай муҳитда футбол ўйнаш ўзгача роҳат бағишлайди. Ўйин ҳар иккала мураббийларнинг тактик курашлари билан кечди. Мураббийлар асосан шахмат доналарини юриш билан машғул бўлишди. Биз ҳам, "Локо" ҳам маълум муддат тўпни рақибга назорат қилиш учун топширди. Тезкор, ҳаракатларга бой ўйиндан кўра тактик курашли футбол гувоҳига айландик.

- Ўзгаришлар хусусида, Гриффитсни майдонга тушириб адашдингизми?

- Азим Аҳмедов чарчаганди ва ўзгартиришни сўради. Кўп нарса мураббий ўша вазиятдан нима хоҳлашига боғлиқ. Учрашув давомида мураббий ўйинни яхшилаш ёки назоратни янада кучайтириш мақсадида ўзгартириш қилиши мумкин. Мен эса ўйин назоратини сақлаб қолиш мақсадида Гриффитсни майдонга туширгандим. Аммо биз майдон марказида 2-3 бор тўп йўқотиш натижасида қарши ҳужумларни қабул қилиб олдик. Жамшид Искандеровни тушириб ҳужумни кучайтиришим мумкин эди. Аммо таваккал қилмадим. Азим Аҳмедовнинг ўрнига ўша услубга мос футболчини, яъни Гриффитсни туширганимга асосий сабаб, майдон марказидаги назоратни қўлдан чиқармаслик эди. Бугунги баҳсда бизда охирги зарбани бериш ўхшамади. Шунингдек, Гриффитсни туширганимда яна бир сабаб, бу стандарт вазиятларидан фойдаланиш режаси. Яъни Ростин иккинчи қаватда яхши ҳаракат қилишини инобатга олгандик. Масалан иккинчи ўзгаришни қилишда тўғри қарор қабул қилдим. Чунки Яхшибоев ўйинга тезда киришиб кетди. Демак ўзгаришлар бўйича кўрсаткичим 1:1.

- "Пахтакор" ҳозирча "кучли-олтилик"ка кирган жамоалар билан ўйинда ғалаба қозонмади. Ваҳоланки учинчи даврадан эътиборан "олтин очко" қоидаси ишлайди. "Пахтакор" эса "олтиталик"даги жамоалар "Бухоро" ва "Бунёдкор"дан мағлубиятга учради ва "Локо" билан дуранг. Буни қандай изоҳлайсиз?

- 8-турдан кейиноқ бу ҳақда гапиришга эрта. Мени ҳар гал кейинги ўйин қизиқтиради. Ҳозир бу ҳақда ўйлашга эрта. Мен бунга изоҳ бермайман. Чунки ҳали мавсум узун. Бу ҳақда иккинчи даврадан кейин гаплашамиз. Айни пайтда мени фақат жамоам ўйини ва ҳолати қизиқтиради. Мантиқан тўғри савол. Журналистлар, мухлислар ҳозирданоқ очколарни ҳисоблаб боришмоқда. Аммо мен буни иккинчи даврадан кейин таҳлил қиламан.

Дилшод Раҳматуллаев: "Биринчи навбатда бизни қўллаб-қувватлаб турган мухлисларга катта раҳмат айтаман. Улар бугун илк дақиқадан токи ҳакам хуштаги янграгунча бизни фаол тарзда қўллаб-қувватлашди. Ўйинга келсак, бизнинг жамоада кўпроқ гол уриш учун вазиятлар бўлди. Рақибда ҳам биз йўл қўйган хатолардан кейин бир-иккита вазиятлар вужудга келди. "Локо" асосан иккинчи бўлимда дарвозамизга кўпроқ хавф солди. Умуман олганда эса "Локо" бугун қарши ҳужумда ўйнади. Рақиб бизни ўз ҳудудида кутиб олиб, қарши ҳужумга таяниб ўйнади".

Rating: +12   

Comments

championat.asia
< show latest news
Яндекс.Метрика