Шота Арвеладзе: "Майдон ҳолати яхши ўйнашимизга имкон бермади"
15 may 2018 21:27
News

Шота Арвеладзе: "Майдон ҳолати яхши ўйнашимизга имкон бермади"

Суперлиганинг 12-туридан ўрин олган "Сўғдиёна"га қарши ўйиндан сўнг "Пахтакор" устози ва жамоа сафида энг яхши деб топилган Акмал Шораҳмедов ўз фикрларини билдирди.

Шота Арвеладзе: - Майдон ҳолати яхши ўйнашимизга имкон бермади. Учрашув жуда қийин кечди. Биз ҳар доим ўзимиз хоҳлагандек футбол ўйнашни истаймиз. Бугун шунга уриндик. Ўйиндаги интизом ва интилиш менга маъқул келди. Оғир беллашувларда ғалаба қозониш жуда ҳам муҳим.

Яхшироқ ўйин намойиш этишга интилишда давом этамиз.

Акмал Шораҳмедов: - Яхши футбол кўрсатиш учун биринчи навбатда майдонни яхши ҳолатга келтириш лозим. Мезбонлар охирги поғоналарда кетишаётгани сабабли бор кучларини ишга солишмоқда. Пешқадамларга қарши учрашувларда ўзларини кўрсатишга ҳаракат қилишади. Шу сабабли ўйин оғир кечди.

Майдон ҳолати яхшироқ бўлганда бемалол чиройлироқ футбол кўрсата олардик.