"Шўртан"да латвиялик ҳимоячи кўрикдан ўтмоқда
25 jan 2015 14:51
News

"Шўртан"да латвиялик ҳимоячи кўрикдан ўтмоқда

Ғузорнинг "Шўртан" клуби Тошкентда янги мавсумга тайёргарликни давом эттирмоқда.

Бугун Муҳтор Қурбонов шогирдлари "Нефтчи" билан ўртоқлик учрашуви ўтказишди. Баҳсда 0:0 ҳисоби қайд этилгани ҳақида хабар бердик.

Бу ўйинда ғузорликлар сафида Виталий Смирнов ҳам ҳаракат қилди. 1986 йилда туғилган латвиялик ҳимоячи жамоада кўрикдан ўтмоқда. Ушбу футболчи 2014 йил ёзида "Олмалиқ"да кўрикдан ўтиб ўз юртига қайтиб кетганди.

Латвия терма жамоаси аъзосининг сўнгги клуби "Спартак Юрмала" бўлганди. Ундан олдин Риганинг "Сконто" ва "Вентспилс" клубларида ҳам фаолият олиб борган ҳимоячи 2009 ва 2010 йилларда Латвия олий лигасида энг яхши ҳимоячи номига сазовор бўлган. Уч карра Латвия чемпиони ва бир марта Латвия кубоги соҳиби бўлган Смринов агар "Шўртан" мураббийларида илиқ таассурот қолдира олса 2015 йилни олий лигамизда ўтказади.

Link :

Source : championat.asia

Receive latest football news directly on your phone. Subscribe for our Telegram channel!

Rating: