Latest news

21:20Жамшид Искандеров: "Ҳужумкор ўйнаймиз, лекин ҳар бир рақибни ҳурмат қиламиз"  0 21:00Бир ўйин тарихи. Ўмон - Ўзбекистон 4:2. Футболимиз тарихидаги энг ғалати мағлубият қандай юз берганди?  2 20:30Бир ўйин тарихи. Ўмон Ўзбекистонни Олмалиқда қандай мағлуб этганди? Аҳмедов дебют қилган, ПСЖ собиқ мураббийи Қосимовни енгган ўйин  1 20:06Интервью. Валерий Кичин: "Бухоро" кубокда сенсация қилса керак, "Нефтчи" чемпионликни қўлга киритиши мумкин"  2 19:39"Челси" собиқ футболчиси фаолиятини "Севилья"да давом эттиради  0 19:12Саудия Арабистони клуби Грузия терма жамоаси ҳужумчиси учун 40 миллион евро тўламоқчи  0 18:39Аморим "Гримсби" билан ўйиндан кейин истеъфога чиқмоқчи бўлганини айтди  2 18:08"Милан" "Манчестер Сити" ҳимоячиси билан шартнома имзоламоқчи  0 17:39Конференциялар Лигасининг асосий босқичига қуръа ташлаш натижалари эълон қилинди  0 17:15"Манчестер Юнайтед"нинг баъзи футболчилари Аморимнинг тактикасига шубҳа билан қарамоқда  12 16:50Европа Лигасига қуръа ташланди  4 16:26"Ньюкасл" "Барселона" ярим ҳимоячиси учун 100 миллион евро тўлашга тайёр  11 15:58Родриго "Реал"да қоладими?  3 15:28"Арсенал" "Байер" футболчисининг трансферини якунлади  4 14:57"Ал Иттиҳод" Педро учун 35 миллион евро таклиф қилди  6

"Шўртан" ПФК раҳбариятида ўзгариш News

"Шўртан" ПФК раҳбариятида ўзгариш

Куни-кеча "Шўртан" профессионал футбол клуби раҳбариятида ўзгариш юз берди.

4 апрель куни клубнинг бош ҳомийси ҳисобланган "Шўртаннефтгаз" МЧЖ мажлислар залида навбатдан ташқари кенгайтирилган йиғилиш ўтказилди. Йиғилишни ушбу компания Бошқарув раиси Хотам Мустонович Шарипов олиб борди. Кун тартибидаги асосий масала "Шўртан" ПФК бош директорлиги лавозимига янги мутахассис тайинлашдан иборат бўлди. Хотам Шарипов мазкур масала юзасидан нутқ сўзлади ҳамда йиғилганларни мажлиснинг асосий мақсади билан атрофлича таништирди ва клубга янги раҳбар тайинлаш хозирги кунда кечиктириб бўлмайдиган даражада муҳимлигини маълум қилди.

Шу кунгача клубни бошқариб келган Облаёр Расуловнинг соғлиги ёмонлашгани ва шу муносабат билан ушбу раҳбар ўз вазифасини бажаришни тўлақонли олиб бориши қийинлашганлиги сабабли, О.Расулов ўз аризасига биноан эгаллаб турган лавозимидан озод этилди.

Унинг ўрнига воҳа футболи мухлисларига яхши таниш бўлган, ўз вақтида "Шўртан" жамоасида футболчи сифатида фаолият кўрсатган, шунингдек, "Шўртан" жамоаси биринчи лигадан олий лигага чиқишида раҳбар сифатида катта хисса қўшган Шоди Номозов клубга янги бош директор этиб тайинланди.

Эртасига, 5 апрель куни, "Шўртан" ПФКнинг Қарши шаҳридаги қароргоҳида янги бош директорнинг клуб ишчи-ходимларига, мураббий ва футболчиларга таништирув маросими ўтказилди. Тадбирда Шоди Номозов сўзга чиқиб, унга берилган ишончни оқлашга, унга юклатилган вазифаларни имкон қадар олий даражада бажаришга, "Шўртан" жамоасини олий лигадаги намунавий клублар қаторига қайтаришга бор кучини аямаслигини изҳор этди.

Ҳомий ташкилот - "Шўртаннефтгаз" МЧЖ томонидан 2016 йилги мавсумда жамоа олдига чемпионатда камида 7-10-ўринларни эгаллаш, мухлислар учун чиройли ва мазмунли ўйинлар намойиш этиш вазифаси қўйилди.

Ушбу масала юзасидан сўзга чиққан жамоанинг етакчи футболчилари - Асрор Алиқулов, Игорь Таран ва Элдор Тожибоевлар ҳомийлар ва мухлислар ишончини оқлашга ҳаракат қилишларини таъкидлашди.

Ўйлаймизки, янги раҳбар - Шоди Номозов қўл остида "Шўртан" клуби мавсумнинг кейинги қисмини муваффақиятли ўтказади ва ўз олдига қўйилган вазифаларни аъло даражада уддалайди.

"Шўртан" ПФК матбуот хизмати

Rating: +3   

Comments

championat.asia
< show latest news
Яндекс.Метрика