“Шўртан” йиғинни бошлади, Улуғбек Бақоев ва Игорь Таран жамоа сафида

Жамоа аъзолари дастлаб, пойтахтдаги “ЎЗБЕКИСТОН” меҳмонхонасида йиғилишди.

Тошкентдаги машғулотларга ўтган йили “Шўртан” кўригидан ўтган Висол Магерамов, жамоанинг бир неча йиллик футболчиси Игорь Таран, шунингдек Суҳроб Бердиев, Сардор Эминов каби ўйинчилар келиб қўшилишди. Энг катта янгилик сифатида эса кўрикдан ўтиш учун бугунги машғулотларда Улуғбек Бақоевнинг ҳам иштирок этганлигини эътироф этиш мумкин.

Қолганлар эса қуйидаги футболчилардан иборат: Ботир Қодирқулов, Асрор Алиқулов, Жамол Отақулов, Самандар Шодмонов, Олим Каримов, Ғулом Раҳмонов, Аббос Омонов, Умар Эшмуродов, Юсуф Бўриев, Шахзод Хурсанов, Жамшид Ҳошимов, Мурод Ражабов, Ҳусниддин Ғофуров, Роман Абдулов, Мирзакамол Камолов, Элдор Тожибоев, Ғуломҳайдар Ғуломов, Элёр Интизомов, Зохид Раупов, Маъмур Султонов, Виктор Клишин, Шавкат Насибуллаев.

Таркибга қўшилган янгилар ҳақида гап кетганда шу пайтгача Сербиянинг “Явор” жамоасида фаолият кўрсатган Ҳусниддин Ғофуров ҳам бугундан “Шўртан” йиғинига қўшилди. Демак, ҳозирча ғузорликлар таркибида икки нафар Ғофуровлар бор.

Биринчи кунги машғулот енгил тайёргарлик остида кечди ва якунда футборлчилар иккига бўлинган ҳолда бир-бирларига қарши тўп суришди.

Аввал хабар берилганидек, Тошкентдаги йиғин давомида “Шўртан” бир нечта синов-назорат учрашувларини ўтказади. Дастлабки рақиблар “Динамо” ва “Сўғдиёна” каби жамоалар бўлиш эҳтимоли бор.

Яна бир янгилик, мураббийлар гуруҳига аввал “НБУ-Осиё” жамоасида фаолият юритган Бахтиёр Қамбаралиев ҳам келиб қўшилди.

“Шўртан” ПФК матбуот хизмати.