"Шўртан" бугун Тошкентда йиғилди
22 jul 2014 17:08
News

"Шўртан" бугун Тошкентда йиғилди

Биринчи лиганинг "Ғарб" минтақасида карвонбошчилик қилган Ғузорнинг "Шўртан" жамоаси маълум муддатлик таътилдан сўнг ўзининг давралар оралиғидаги илк йиғинига киришди.

Жамоа аъзолари айни пайтда Тошкентдаги Ўзбекистон меҳмонхонасида йиғилди. Кечки пайтги машғулот "НБУ-Осиё"нинг уй стадионида ўказилади. 25 июлга қадар пойтахтда шуғулланилгач, шу куни Чорвоққа йўл олинади. Тоғли ҳудудда мураббийлар штаби футболчиларнинг жисмоний тайёргарлиги бўйича иш олиб боради. Режага кўра ғузорликлар Чорвоқда 6 кун давомида шуғулланади ва сўнгра яна Тошкентга қайтилади. Бу орада "Шўртан" синов-назорат ўйинларида иштирок этиши кўзда тутилган. Унга кўра, 27 июль куни "Нефтчи" ва 30 июль куни эса "Навбаҳор" билан куч синашилади.

Ҳозирча таркибда жиддий ўзгаришлар рўй бергани йўқ. Биргина Муқим Тошматов жамоа лагерини тарк этди. Биринчи босқичда асосан захирада ўтирган футболчи айни дамда Тошкентнинг "Оқ-тепа" жамоаси йиғинида иштирок этмоқда.

Link :

Source : championat.asia

Receive latest football news directly on your phone. Subscribe for our Telegram channel!

Rating: