"Шўртан" 2025 йилги мавсумни Қаршидаги стадионда бошлайди
27 dec 2024 13:27
News

"Шўртан" 2025 йилги мавсумни Қаршидаги стадионда бошлайди

Суперлига йўлланмасини қўлга киритган "Шўртан" клуби ўз уй стадиони майдонини Лига талаби бўйича таъмирдан чиқаргунига қадар рақибларини Қаршидаги "Марказий" стадионда қабул қилади.

Бу борада ҳар икки клуб ўзаро келишувга эришди.

Янги мавсумга қуръа ташланаётганда мазкур ҳолат инобатга олинади ҳамда "Насаф" ва "Шўртан" ўзаро жуфт жамоалар сифатида сараланади. Бу эса ҳар турда улардан бирининг ўз уйида, иккинчисининг эса сафарда ўйин ўтказишини кафолатлайди. Аввалроқ "Динамо" ва "Қизилқум" ҳам Навоийдаги стадион таъмирдан чиққунига қадар битта стадиондан фойдаланиб туриши маълум қилинганди.