Шомуродов трансфер қиймати бўйича "Ростов" ҳамда Ўзбекистонда етакчи бўлиб олди (жадвал)

“Transfermarkt” ҳисоб-китобига кўра, Шомуродов 6,5 млн. еврога (+ 4 млн.га ўсган) баҳоланган. 

Мазкур кўтарилиш Шомуродовни “Ростов”даги энг қиммат футболчига айлантирди. Ундан кейинги ўринларда эса Матиас Норман (6 млн. евро) ҳамда Алексей Ионов (4,5) турибди.

Шунингдек, 24 ёшли форвард Ўзбекистоннинг айни вақтдаги энг қиммат ўйинчисига ҳам айланиб олди. У “Шанхай СИПГ” аъзоси Одил Аҳмедовни (4,5 млн) қувиб ўтди. Кучли учликка эса “Шаржа” ярим ҳимоячиси Отабек Шукуров якун ясаган. 

Маълумот ўрнида, Элдор Россия чемпионати жорий мавсумида трансфер нархи кескин кўтарилган 5 футболчи қаторидан ўрин эгаллади.

1. Магомед-Шапи Сулейманов («Краснодар») – 6,5 млн.дан 12 млн. еврога (+5,5) кўтарилган;

2. Дмитрий Баринов («Локомотив») – 8 млн.дан 12 млн. еврога (+4) кўтарилган;

3. Матвей Сафонов («Краснодар) – 6 млн.дан 10 млн. еврога (+4) кўтарилган;

4. Зелимхан Бакаев («Спартак») – 4 млн.дан 8 млн. еврога (+4) кўтарилган;

5. Элдор Шомуродов («Ростов») – 2,5 млн.дан 6,5 млн. еврога (+4) кўтарилган.

Акмурзаев Элдор тайёрлади