Шоҳруз Норхонов: “Пахтакор” кучли жамоа, лекин биз ҳам улардан қолишмаймиз”

Учрашувдан олдин “Обод” жамоаси ҳужумчиси Шоҳруз Норхонов ўз фикрларини билдирди.

“Аввалги турда “Андижон” жамоасини ўз уйимизда қабул қилиб, қийин кечган учрашувда минимал вазифани бажардик. Бугун “Пахтакор” жамоаси меҳмони бўламиз. Ушбу баҳсда ғалабага эришсак “Андижон” ва “Навбаҳор” жамоалари ўртасидаги ўзаро ўйинлари бизни қизиқтирмайди. Шунинг учун, ҳам бугун фақат ғалаба учун майдонга тушамиз. Тўғри, “Пахтакор” кучли жамоа, лекин биз ҳам улардан қолишмаймиз. Машғулот пайтида кичик жароҳат олдим, менмича бугун асосий таркибда майдонга тушмасам керак. Бир сўз билан айтганда дербига жиддий тайёргарлик кўрдик”, - дейди “Обод” жамоаси ҳужумчиси Шохруз Норхонов.

Жаҳонгир Сотволдиев