Шоҳруз Норхонов: “Мақсадимиз – “Қизилқум”ни мағлуб этиш"

Жамоамиз футболчилари ушбу учрашувга жиддий ҳозирлик кўришди ва чемпионатдаги танаффусдан фойдаланиб бир қатор ўртоқлик учрашувларини ўтказди.  “Қизилқум” га қарши баҳс олдидан жамоа ҳужумчиси Шоҳруз Норхонов  ўз фикрлари билан ўртоқлашди.

- Чемпионат бошида ҳар бир очко учун жон-жаҳдимиз билан курашдик. Лекин бу – футбол. Ҳозир 11-ўринда бўлсак-да, олдинда ҳали 10 та ўйин бор. Биз улардан фойдаланиб 7,8-ўринлар учун курашамиз.

Аслида чемпионат бошида кучли 6 таликка киришни мақсад қилган эдик. Ҳар бир жамоа очколар учун курашди. Биринчи босқичда қила олмаган ишларимизни энди иккинчи босқичда уддалаймиз, деган умиддаман. Ўйда ҳам, сафар ўйинларида ҳам фақат ғалаба учун курашиб, бизга ишонаётган барчани хурсанд қилиш ниятидамиз.  

“Қизилқум”га қарши баҳсга жиддий ҳозирлик кўрдик. Мақсадимиз – “Қизилқум”ни мағлуб этиш. Иккинчи босқични биринчи ўйинданоқ ғалаба билан бошлашни мақсад қиляпмиз-дейди Шоҳруз Норхонов.

“Сўғдиёна”  ПФК матбуот хизмати