Шоҳруз Норхонов: "Бизда аҳил коллектив бор"
20 mar 2016 12:03
News

Шоҳруз Норхонов: "Бизда аҳил коллектив бор"

Ўзбекистон Кубогининг 1/16 финал босқичидан ўрин олган "Оқ-тепа" - "Обод" (0:5) учрашувидан кейин покерга эришган Шоҳруз Норхоновнинг фикрлари билан қизиқдик.

- Учрашувга яхши тайёргарлик кўргандик. Боиси, ҳар иккала жамоа ҳам пойтахт клублари бўлгани туфайли беллашув "дерби" эди. Учрашув яхши ўтди. "Оқ-тепа" таркибида тажрибали ўйинчилар йиғилган экан, аммо мавсум бошланмагани ва жамоавий ўйин шаклланмагани бизга қўл келди. Биз олий лигада 2та учрашув ўтказиб бўлдик. Қолаверса, бугун омадимиз ҳам келди.

Покерга эришганимда жамоадошларимнинг ҳиссаси катта. Бизда аҳил коллектив бор, улар мени тўп билан таъминлашди ва гол урдим. Илгари "Оқ-тепа" сафида ўйнаганман. Бу жамоа менга "трамплин" вазифасини ўтаб берган. Шу даражага чиқишимда ўрни катта.