Шоҳруҳ Гадоев: "Қароримни "Бухоро"даги мухлислар тўғри қабул қиладилар деб ўйлайман"
26 jul 2017 21:47
News

Шоҳруҳ Гадоев: "Қароримни "Бухоро"даги мухлислар тўғри қабул қиладилар деб ўйлайман"

"Бунёдкор"га қайтган Шоҳруҳ Гадоев таништирув маросимидан сўнг ўз фикрлари билан ўртоқлашди.

"Бунёдкор" сафига қайтганимдан хурсандман. Олдимизга катта мақсадлар қўйилган. Насиб қилса, буларнинг барчасига эришишга ҳаракат қиламиз.

Таклифни қабул қилишдан олдин "Бухоро"даги мураббийлар билан маслаҳатлашдим. Улар билан келишган ҳолда "Бунёдкор" сафига келдим.

Тўғрисисни айтсам, бу таклифни ўзим ҳам кутмагандим. "Бухоро"даги мухлислар бу қароримни тўғри қабул қиладилар деб ўйлайман. Мураббийлар Улуғбек Бақоев, Бахтиёр Ашурматовларга ҳам мени қўйиб юборганлари учун раҳмат айтаман", - дейди Гадоев.