Шоҳназар Норбеков “Металлург”га қайтди

Бекободликлар таркибида бешта мавсумда 45 та учрашувда майдонга тушган ҳамда рақиблар дарвозасига 5 та гол киритган форвард “Металлург” билан шартнома имзолади. Шоҳназар айни пайтда индивидуал машғулотлар ўтказаяпти. Саломатлиги билан боғлиқ муаммоларни бартараф этгач, тез орада чемпионатимизнинг энг тезкор ҳужумчиларидан бирини мухлислар яна майдонда кўришади. Жамоа шифокорларининг таъкидлашларича бунга 3-4 ҳафтача вақт кетади.

Шоҳназар Норбековнинг қўшни мамлакат чемпионатидаги қисқа фаолияти ҳақида тез орада батафсил маълумот берамиз.