Шоҳмалик Комилов: "Насаф"га кучли бўлиб қайтаман"

Бундан мақсад уларнинг мунтазам равишда ўйин амалиётига эга бўлишидир. Ушбу сўзимизни ярим ҳимоячи Шоҳмалик Комилов ҳам тасдиқлаган ҳолда яна қўшимча қилди. 

"Ўзим ҳам шундай ўйлайман. Рўзиқул акани олдиларига кирганимда қўллаб-қувватлаган ҳолда яхши формада қайтишимни таъкидладилар. Насиб қилса, "Насаф"га янада кучли бўлиб қайтаман. "Динамо"га ўйнаш учун келдим. Худо хоҳласа, янги мавсумни Самарқандда бошлайман",- дея гап бошлади футболчи.  

- "Аждарлар" билан ўтган 2021 йилги мавсумдан қандай таассуротлар қолди?

- ОФК кубогида ёмон иштирок этмадик. Ҳаммаси ўз қўлимизда эди. Якунда Ўзбекистон кубогида ғолиб чиқиб мухлисларимизга соврин тақдим қилдик. 

- "Насаф"да фақат битта мураббий қўл остида ўйнадингиз. Рўзиқул Бердиевни талаблари, фалсафасини тушуниб олгансиз. "Динамо"да Предраг Роган хорижлик мураббий ҳисобланади. Унинг кўрсатмаларида қандай тафовут сезяпсиз?

- Кўпроқ ҳимояни тартибга келтириш устида ишлаяпмиз. Тўпни олидириб қўйган жойимизда курашни бошлашимиз кераклигини айтяпти. Бундай кўрсатма ҳамма мураббийларда бўлади, деб ўйлайман. Предраг Роган тартиб-интизомга жуда қаттиқ қарайди. Майда нарсаларни эътиборсиз қолдирмайди. Ҳар бир ўйинда юз фоиз кучимизни сарфлашимиз лозим. Расмийми ёки ўртоқлик бунинг фарқи йўқ. Натижа қандай бўлишидан қатъий назар майдонга бор нарсамизни ташлашимизни талаб қиляпти.