Ширер ва Анри АПЛ Шон-шараф залидан жой олди

Унда ушбу мусобақа ташкил этилган пайтдан (яъни? 1992 йилдан) бошлаб қатнашган энг таниқли футболчилар эътироф этилади.

Шон-шараф залига киритилганлар бундан буён Премьер-лига томонидан берилган энг юқори индивидуал мукофот эгаси саналадилар. 

Даъвогарлар қаторида бўлиш учун футболчи 2020 йилнинг 1 августига қадар фаолиятини тугатган бўлиши лозим.

Лауреатларнинг ҳар бирига АПЛ Шон-шараф залига аъзо бўлган йил кўрсатилган шахсий эсдалик нишони берилади.

Ушбу фахрий мукофотнинг дастлабки икки эгаси мукофот ташкилотчилари қўмитаси томонидан сайланган – инглиз ҳужумчиси Алан Ширер ва франциялик форвард Тьерри Анри бўлишди.

Маълумот учун, "Арсенал"да ўйнаган Анри тўрт марта "Олтин бутса"ни қўлга киритган ва АПЛнинг 258 ўйинида клуб учун рекорд даражадаги 175 та голни урган.

"Блэкберн" ва "Ньюкасл" шарафини ҳимоя қилган Ширер эса 14 мавсумда 260 та гол уриб, АПЛ тарихидаги энг яхши тўпурар ҳисобланади.