Ширер: "Рэшфордга тавсиям - у кетиши керак"

"Рэшфорднинг мухлисиман. У позицияни яхши танлайди ва ҳар доим рақиб ҳимоячиларини хавфо остида ушлаб туради.

Ромелу Лукакуда барчаси яхши бўлса, Маркус марказий ҳужумчи бўлиб ўйнай олмайди. У айнан марказий форвард бўлиши керак. Аммо МЮ Моуриньо қўл остида ҳеч қачон икки ҳужумчи бўлиб ҳаракат қилмайди. Агарда шундай бўлган тақдирда, Ромелу билан Алексис Санчес ўйнайди. Моуриньо катта эхтимол билан Рэшфорднинг хизматларидан фойдаланмайди. Ундай қилгандан кўра, Маркусни трансферга қўйиб юбориш керак.

МЮ - буюк жамоа. Аммо Рэшфорд буюк футболчи бўлишни истаса, "Олд Траффорд"ни тарк этиши керак. Унга берадиган тавсиям шундай", - деди Ширер.