Шерзод Каримов: "Тракторсози"га қарши ўйинда ҳам мухлисларимизга хурсандчилик улашмоқчимиз"
11 mar 2016 22:15
News

Шерзод Каримов: "Тракторсози"га қарши ўйинда ҳам мухлисларимизга хурсандчилик улашмоқчимиз"

"Пахтакор" футболчиси Шерзод Каримов "Қўқон-1912"га қарши бўлиб ўтган ўйиндан сўнг ўз фикрлари билан ўртоқлашди.

"Ўйингача "Қўқон-1912" жамоасининг ўйинларини ўрганиб чиқдик, кучсиз томонларини топа олдик ва рақиб хатоларидан фойдалана олдик.

Энди яхши кайфият билан "Тракторсози"га қарши ўйинга тайёргарликни бошлаймиз. Рақибни яхшилаб ўрганиб чиқиб, мухлисларимизга хурсандчилик улашамиз деган умиддаман.

Голимни ўйинга ташриф буюрган кичкина жияним Шахрузга бағишлайман", - дея ўз фикрларига якун ясади Шерзод Каримов.

Эслатиб ўтамиз, футболчи ўйинда гол киритиш билан бирга жамоасининг иккинчи голига узатмани амалга оширишга муваффақ бўлди.

Азиз Тўхтамуродов