Шерзод Файзиев: “Эртадан Тошкентда машғулотларни бошлаймиз”
24 jan 2017 18:29
News

Шерзод Файзиев: “Эртадан Тошкентда машғулотларни бошлаймиз”

Тошкентнинг “Локомотив” клуби ҳориж йиғинини якунлаб тошкентга қайтиб келди. “Темирйўлчилар” мавсумга тайёргарликни қолган қисмини эртадан Тошкентда давом эттирадилар.

“Дубайдаги ҳориж йиғинида асосий жисмоний ҳолатимизга эътибор қаратдик. Кунига икки маҳалдан машғулот ўтказдик. Эрталаб тўплар билан ишлаган бўлсак кечки маҳал қумда ва тренажерда ишладик. Жамоага янги келган футболчилар билан яхши чиқишиб кетдик. Дубайда иккита назорат учрашувини ўтказдик. Биринчи ўртоқлик учрашувини “Ал-Қодисия”га қарши ўтказган бўлсак иккинчи учрашувни Россиянинг “Зенит” жамоаси билан баҳс олиб бордик. Икки ўйинда ҳам нурсиз дуранг қайд этилди. Бундай ўйинлар орқали жисмоний ҳолатимизни тиклаябмиз. Эртадан Тошкентда машғулотларни бошлаймиз”, - дейди “Локомотив” клуби футболчиси Шерзод Файзиев.