Шерзод Аъзамов: "Биринчи ўйиндаги хатолардан тўғри хулоса чиқардик"

"Ўйин қизиқарли кечди. Ҳар иккала жамоа ҳужумкор ўйнашга ҳаракат қилди. Ўйлашимча, ўйин мухлисларга манзур келди. Бизнинг жамоа яхшироқ ўйнади ва ғалабага лойиқ эди. Учрашув сўнггида натижа учун ҳимоявий ўйин кўрсатдик. Имкон қадар яхши ўйнашга ҳаракат қилдик. Ғалабанинг асосий омили - жамоавий яхши ўйин кўрсатдик. Барча ҳамжиҳатликда ҳаракат қилди. Ўтган учрашувдаги хатолардан тўғри хулосалар чиқарилди. Бу баҳсга мураббийларимиз бизни яхши тайёрлашди. Бу эса бугун ўз мевасини берди. Сафардаги баҳсни ҳам бой бермасак ҳам бўларди. Лекин баъзи хатоларимиз эвазига бу амалга ошмай қолганди. Гуруҳдан чиқишга кўзимиз етади. Асосийси шу темпда давом этиш лозим. Кейинги ўйинларда керакли натижаларни қўлга киритиш даркор. Мураббий учрашувдан сўнг барчани ғалаба билан табриклади ва кейинги учрашувга тараддуд кўриш кераклигини таъкидлади. Энди бор диққат-эътибор чемпионат доирасидаги "Шўртан"га қарши кечадиган беллашувга қаратилади. Кейинги баҳсларда ҳам ишқибозларимизни қувонтиришга ҳаракат қиламиз", - деди Шерзод Аъзамов.