"Шердор" янги мавсумга тайёргарликни бошлаб юборди

Машғулотлар кунига икки маҳалдан бўлиб ўтмоқда. Футболчилар бош мураббий Бахтиёр Сатторов томонидан ишлаб чиқилган режа бўйича тайёргарликни олиб боришмоқда.

- Жамоамиз ўз олдига жиддий мақсадларни қўйган. Шу боисдан ҳам янги мавсумга тайёргарлик ишларини аллақачон бошлаб юборганмиз. Айни пайтда ПФЛ томонидан қўйилган талабларни бажармоқдамиз. Хусусан, футзал бўйича "Шердор" жамоасини ташкил қилдик. Ҳозирда бу жамоа Ўзбекистон Кубоги мусобақасида иштирок этмоқда, - дейди Бахтиёр Сатторов.

Жамоа раҳбарияти ўзининг футбол академиясини ташкил этиш арафасида. Ҳозир бу борада ишлар олиб бормоқда.

- Биз вилоятимизда футболни ривожлантириш, ёшларни бўш вақтларидан унумли фойдаланиши, энг асосийси уларни соғлом турмуш-тарзга етаклаш мақсадида бир қатор лойиҳаларни ишлаб чиққанмиз, Футбол академиясининг ташкил қилиш орқали самарқандлик иқтидорли болаларни излаб топиш ва уларга футболни сир-асрорларини болалигиданоқ ўргатиш ҳисобланади, - дейди клуб директори Олимжон Сатторов.