Шерали Жўраев: "Имкон бўлса ўзимни хорижда синаб кўрардим"
23 jul 2014 18:36
News

Шерали Жўраев: "Имкон бўлса ўзимни хорижда синаб кўрардим"

"Қизилқум" клуби ярим ҳимоячиси Шерали Жўраев ёзги йиғин яхши кечаётганини айтиб ўтди.

- Иккинчи даврага қандай тайёргарлик кўраяпсизлар?
- Давралар оралиғида дастлаб пойтахт вилоятининг "Билдирсой" соғломлаштириш оромгоҳида йиғин ўтказдик. Сўнгра Тошкентда шуғулландик ва бир нечта ўртоқлик учрашувларини ўтказдик. Эртадан йиғинимиз Навоий шаҳрига кўчади. Футболчилар иккинчи даврага қизғин тайёргарлик кўришмоқда.

- Иккинчи давра олдидан бошқа жамоалардан таклиф бўлмадими?
- Ўзимизнинг 2-3 клубдан чорловлар бўлди. Лекин уларни номини айта олмайман. "Қизилқум"дан кетишни истамадим. Сабаби ниятим ўзимни хорижда синаб кўриш. Агар четдан яхши таклиф бўлса фаолиятимни ўша клубда давом эттирардим. Бунинг учун аввало яхши агент ва таклиф бўлиши керак. Айни пайтда эса мен "Қизилқум" футболчисиман. Иккинчи даврага ҳозирлик кўраяпман.

- Ҳозирга қадар ҳеч қайси футбол агенти билан ҳамкорлик қилмаганмисиз?
- Йўқ. Шу пайтгача агентлар билан ишламаганман.

Link :

Source : championat.asia

Receive latest football news directly on your phone. Subscribe for our Telegram channel!

Rating: