Шерали Жўраев: “Ҳабиб Нурмагомедовнинг мухлисиман”

“Қизилқум” - “Андижон” учрашувида 1:1 ҳисоби қайд этилди. Ўйиндан сўнг “Қизилқум” сафида гол урган Шерали Жўраев билан суҳбатлашдик.

- Чемпионатга қизғин тайёргарлик кўрдик. Туркияда йиғин ўтказдик ва бир қатор кучли рақибларга қарши ўртоқлик учрашувларни олиб бордик. Тайёргарлик аъло даражада ўтди. Бугунги ўйинга келсак чемпионатдаги дастлабки учрашувни ўтказдик ва жамоада ҳаяжон сезиларли бўлди. Бу биринчи ўйин ва насиб этса олдинда ғалабалар билан кўплаб мухлисларни янада хушнуд этамиз.

- Голни ўзгача нишонладингиз...
- Захирада ўтирганимда жамоадошларимга агарда майдонга чиқиб гол урсам, албатта Ҳабиб Нурмагомедовга ўхшаб нишонлайман деб айтгандим. Мен Ҳабибнинг мухлисиман. Майдонга чиқиб жавоб голини урдим ва ушбу услубида нишонладим. Бундан жуда хурсандман.

Дилдора Холбоева ёзиб олди