Шавкат Саидов: "Қизилқум" мустаҳкам ҳимоя чизиғига эга, тартибли жамоа"

Шавкат Саидов, “Металлург” ФК жамоа бошлиғи: - Бугун ҳаво ҳароратининг ниҳоятда кўтарилиб кетганлиги ўйин сифатига таъсир этмасдан қолмади. Айниқса биринчи таймда жамоа ўйинчиларига тезликни сақлаш, тўпни назоратда ушлаб туриш борасида қийинчиликлар туғдирди. Иккинчи таймга келгач ўйин темпи ошди. Менимча, ҳақли ғалабага эришдик. Сабаби жуда кўплаб голлик вазиятлар яратдик. “Қизилқум” мустаҳкам ҳимоя чизиғига эга, тартибли жамоа. Уларни яхши тайёргарлик ва катта иштиёқ эвазига мағлубиятга учратдик. Бунинг учун футболчиларга раҳмат айтмоқчиман. Бир кунлик дам олишдан сўнг, “Нефтчи”га қарши учрашувга тайёргарликни бошлаймиз. Давралар оралиғида ҳар битта ўйин жуда муҳим аҳамият касб этади, дейди Шавкат Саидов.

"Металлург" матбуот хизмати