Шавкат Саидов: "Насаф" жамоасига кейинги ўйинларда омад тилайман"
27 may 2017 12:02
News

Шавкат Саидов: "Насаф" жамоасига кейинги ўйинларда омад тилайман"

"Металлург" - "Насаф" учрашувидан кейин иккала жамоа мураббийлари иштирокида матбуот анжумани ўтказилди.

Даставвал мезбонлар жамоа бошлиғи Шавкат Саидов ўйин ҳақидаги фикрларини билдириб ўтди.

Шавкат Саидов, “Металлург” ФК жамоа бошлиғи: - “Насаф” мамлакатимизнинг кучли жамоаларидан бири. Шу боисдан ҳам учрашувни иккинчи рақам остида ўтказдик. Фурсатдан фойдаланиб, илк дақиқалардан охирги сонияларгача барча кўрсатмаларни аъло даражада бажарган барча футболчиларга минннатдорчилик билдирмоқчиман. Тўп назорати бўйича устунлик меҳмонлар томонида бўлса-да, хавфли вазиятларни яратишда биз устунлик қилдик.

Бугунги ғалаба футболчиларимиз руҳиятини кўтаришга ёрдам беради деб ишонаман. Шу темпда учрашувларни давом эттирсак, ўйлайманки, тез орада ўзимиз учун кўнгилсиз бўлган поғоналарни тарк этиб, юқорироққа кўтарилиб оламиз. “Насаф” жамоасига кейинги ўйинларда омад тилайман, дейди Шавкат Саидов.

"Металлург" матбуот хизмати

Link :

Source : championat.asia

Receive latest football news directly on your phone. Subscribe for our Telegram channel!

Rating: +3