Шавкат Саидов: "Биз ҳар жабҳада "Андижон"дан устунлик қилдик"
24 jun 2015 23:37
News

Шавкат Саидов: "Биз ҳар жабҳада "Андижон"дан устунлик қилдик"

Ўзбекистон Кубоги нимчорак финал учрашуви "Металлург" - "Андижон" (4:0) ўйинидан сўнг мезбон жамоа бошлиғи Шавкат Саидов ўз фикрлари билан ўртоқлашди.

- Бугун мавсумдаги энг чиройли ўйинларимиздан бирини намойиш этдик. Биз ўз олдимизга кейинги босқичга чиқиш вазифасини қўйгандик, буни чиройли, ҳужумкор ўйинимиз билан уддаладик. Бунинг учун мураббийлар штабидан, футболчилардан миннатдормиз. Ҳеч кимни ажратиб кўрсатмоқчи эмасман. Менга таркибимиздаги барча ўйинчиларнинг ҳаракатлари манзур бўлди. Айни пайтда энг оптимал формадамиз десам, муболаға бўлмайди. Қаршида, Бухородаги ғалабалар бежиз эмаслигига бугун мухлисларимиз ҳам амин бўлишди. Ўз навбатида ишқибозларимизга ҳам алоҳида миннатдорчилик билдираман. Ўз уйимизда бўладими, сафарда бўладими, бизни қўллаб-қувватлаб келишаётганлиги учун. Рақиб жамоа ҳам бугун ёмон таассурот қолдирмади. Бироқ бугун биз улардан ҳар жабҳада устун эканлигимизни кўрсатдик.

Link :

Source : metallurg-pfc.uz

Receive latest football news directly on your phone. Subscribe for our Telegram channel!

Rating: