Шавкат Абдуҳоджаев: "Про-лигада осон ўйинлар бўлмайди"

" - Про-лига янги мавсуми старти билан барча футбол мухлисларини табриклайман. Бу чемпионатда ҳам осон ўйинлар бўлмайди. Биринчи бўлимда 3 та тўп фарқи билан ғалаба эришаётгандик. Йигитлар ғалабани муддатидан олдин ҳис қилиб ўйин тамом бўлди деб ўйлашди шекилли. Футбол 90 дақиқа давом этади. "Шўртан" жамоасида яхши футболчилар йиғилибди. Жамоа кучли клублар билан бемалол ўйнай олади.

Мақсадимиз - Суперлига йўлланмасини қўлга киритиш. "Шўртан" жамоасига кейинги ўйинларда омад тилайман.

Ўз олдига Суперлига йўлланмасини мақсад қилган жамоа ҳар бир ўйинда охиригача курашиши керак. Бўшашиш оқибатида қандай натижа юзага келишини бугунги ўйин кўрсатиб берди" - дейди "Қўқон-1912" мураббийи.