"Шанхай СИПГ" назорат учрашувида Бельгия клубига мағлуб бўлди
13 jan 2017 11:41
News

"Шанхай СИПГ" назорат учрашувида Бельгия клубига мағлуб бўлди

Ҳамюртимиз Одил Аҳмедов тўп тепадиган "Шанхай СИПГ" кеча Бельгиянинг "Эйпен" клуби билан назорат учрашуви ўтказди.

"Ал-Батин"га қарши назорат учрашувида асосий таркибда бўлган Одил Аҳмедов бу сафар биринчи бўлимда майдонга тушмади. Ўтган баҳсда захирада бўлган Халк ва Оскар эса бу сафар асосий таркибда майдонга тушди.

Оскар "Фейсбук" орқали бу ўйинда 45 дақиқа ҳаракат қилганини маълум қилган.

Захирадан майдонга тушган Одил Аҳмедов иккинчи бўлимда жамоа сардори сифатида ўйнади.

Учрашувдаги ягона гол 77-дақиқада киритилди. "Эйпен" футболчиси Флориан Толемас пенальтидан гол уриб, назорат учрашувида ўз жамоасига ғалаба келтирди.