“Шальке” Бундеслигада 21 учрашувдан буён ғалаба қозона олмаяпти

Шанба куни гельзенкирхенликлар Бундеслига 5-тури доирасида “Боруссия”га (0:3) имкониятни бой беришди.

“Шальке”нинг ғалабасига серияси ўтган мавсум билан қўшиб ҳисоблаганда 21 учрашувга етди. Улар сўнгги марта Бундеслигада 17 январ куни “Боруссия”ни (2:0) мағлуб этишганди. Шундан кейин “Шальке” 14 та учрашувда мағлуб бўлди, 7 та беллашувда дурангга эришди. 

Айни пайтда “Шальке” бир очко билан (тўплар нисбати 2-19) Бундеслига турнир жадвалининг сўнгги поғоналаридан бирини эгаллаб турибди. Улардан кейинги поғонада “Майнц” бормоқда (5 ўйин, 0 очко).

Кузда “Шальке” раҳбарияти жамоа Дэвид Вагнерни истеъфога чиқариб, унинг ўрнига Мануэль Баумни бош мураббий этиб тайинлаганди.