Шаҳбоз Умаров жамоадошларида коронавирус аниқлангани боис "Энергетик-БГУ" – "Слуцк" ўйини қолдирилди
12 sep 2020 22:35
News

Шаҳбоз Умаров жамоадошларида коронавирус аниқлангани боис "Энергетик-БГУ" – "Слуцк" ўйини қолдирилди

Беларусь чемпионатининг 23-туридан ўрин олган "Энергетик-БГУ" - "Слуцк" учрашуви мезбонлар футболчилари орасида коронавирус аниқлангани туфайли қолдирилди.

Коронавирусни юқтириб олиш ҳолатлари Беларусь У-21 ёшлар терма жамоаси йиғинида содир бўлган. Регламентга кўра, учрашувни қолдириш борасида қарор қабул қилинган.

Терма жамоа Португалияга Евро-2021 саралаш учрашувини ўтказиш учун учиб кетган эди. У ерда коронавирус учун тест топширган Беларусь ёшлар терма жамоасининг олти нафар ўйинчисида вирус аниқланган. Булар – "Энергетик-БГУ" дарвозабони Артём Макавчик, ҳимоячи Александр Свирепа, "Динамо" (Брест) посбони Павел Павлюченко, "Шахтёр" ҳимоячиси Илья Лукашевич, "Минск" ҳимоячиси Дмитрий Пришепа ва ярим ҳимоячи Роман Вегеря.

Маълумот учун, Португалияга 23 футболчи жўнаб кетган бўлиб, улардан 20 нафари Беларусь олий лигаси клубларида ўйнайди.

Эслатиб ўтамиз, “Энергетик-БГУ” - “Слуцк” ўйини эртага бўлиб ўтиши лозим эди.

Link :

Source : championat.asia

Receive latest football news directly on your phone. Subscribe for our Telegram channel!

Rating: +3