Шаҳбоз Жўрабеков: "Турнир жадвалига 4-5 турдан сўнг қараш керак. Мухлислар олдида юзимиз ёруғ бўлди"

Учрашувдан сўнг "Бухоро" футболчиси Шаҳбоз Жўрабеков фикрлари билан ўртоқлашди. 

"Барча мухлисларни янги мавсум ва рамазон ойи билан табриклайман. Суперлигани яхши бошлаган эдик. ОКМК билан сўнгги сонияларда гол ўтказиб юборганимиз қимматга тушганди. Хатолардан тўғри хулоса чиқардик. Уч очко сув ва ҳаводек зарур эди. Масъулиятни ҳис қилган ҳолда барчамиз мураббийлар кўрсатмасини бажардик. Муҳими мухлислар олдида юзимиз ёруғ бўлди. Бизга ишонган барчага раҳмат. Бу ҳали бошланиши. Янада ёрқин ғалабаларимиз олдинда. Мазкур ғалаба ўзимизга ишончни ошириши шубҳасиз. 

Чемпионат бошланишида ҳамма жамоалар тенг ҳолатда бўлади. Энг яхшиси 4-5 турдан сўнг жадвалага қараш керак. Ўша вазиятда кучли ва кучсиз жамоалар ажралиб чиқади. Ҳозирча танаффусга яхши кайфиятда йўл оламиз ва кейинги ўйинларга тайёргарликни бошлаймиз",- дейди Шаҳбоз Жўрабеков.