“Севинч” яна машғулотларга киришди

Машғулотларда аёллар терма жамоаси сафига чақирилган футболчилар иштирок этишмаяпти. Улар айни кунларда БААнинг Дубай шаҳридаги йиғинда бўлиб туришибди. Ушбу футболчиларимиз 13 мартдан жамоамиз сафига қўшилишади.

“Севинч” 16-20 март кунлари Тошкентда бўладиган мини футбол бўйича XIII Ўзбекистон чемпионатининг ҳал қилувчи босқичида иштирок этади. Ҳозирги кунлардаги барча тайёргарлик машғулотлари ана шу мусобақага қаратилган.

Ўзингизга маълум, “Севинч” бу чемпионатнинг икки турида иштирок этди ва 1-ўрин билан якунлади. Ҳал қилувчи босқичда олтита жамоа  иштирок этади. Учрашувлар 16 март куни бошланади. “Севинч” бу босқичдаги дастлабки учрашувни шу куни Нукуснинг “Қирқ қиз” жамоасига қарши ўтказади.

Шу суносабат билан, футболчиларимиз 15 март куни Тошкентга сафар уюштиришади.