“Севинч”: Футболчиларимиз терма жамоага таклиф этилди

Қуръа натижасига кўра, Ўзбекистон аёллар терма жамоаси “B” гуруҳидан жой олди. Мазкур гуруҳда терма жамоа Жанубий Корея, Гонконг, Ҳиндистон ва КХДР аёллар термасига қарши баҳс олиб боради.  

Ўзбекистон аёллар терма жамоаси 3-11 апрел кунлари саралаш учрашувларини ўтказади.

Ушбу мусобақага тайёргарлик юзасидан, Шерали Бобоқулов бошчилигидаги терма жамоа 1-10 феврал кунлари Бекобод шаҳрида навбатдаги ўқув-йиғин машғулотларини ўтказади.

Мазкур йиғинга “Севинч” жамоасининг 6 нафар футболчиси таклиф этилди, булар Лайло Тилавова, Мафтуна Жонимқулова, Камола Рискиева, Мафтуна Шойимова, Малика Бурхонова, Нилуфр Қудратовалар.

Эслатиб ўтамиз, айни кунларда Қарши шаҳрида янги мавсум тайёргарликларини олиб бораётган “Севинч” жамоамиз, 12 феврал кунлари Тошкентга боради. У ерда аёллар ўртасидаги мини футбол бўйича XIII Ўзбекистон чемпионатининг 2-тур учрашувларида майдонга тушади.