Серхио Рамосдан "Реал"ни тарк этган Лукаc Васкесга самимий мактуб: "Сени соғинамиз, Пико"

— Қадрдон Лукас! Асосий таркибда ўтказган 10 йил…Сен бу ерга болакай бўлиб келгандинг, энди эса уйланган, уч фарзандли ва 23 та соврин соҳибисан. Аммо энг муҳими, сен "Реал"да ўзингдан меҳнатсеварлик, интизом, қатъият, сахийлик, жамоавий руҳ ва кийиниш хонасидаги шодликни қолдиряпсан. Биз сени жуда қадрлардик, — дея ёзади Рамос.

— Сен инсон ва футболчи сифатида мадридликлар учун намуна бўлдинг. Биз шерик эдик, ака-укадек яшадик, бир-биримизга ишондик, ва доимо бирга кулиб, ғалабаларни нишонладик. "Реал" учун қилган барча ишинг учун раҳмат. Сен бундан фахрланишинг керак — бу ажойиб тарих. Мен бутун қалбимдан сенга келажакда омад ва бахт тилайман.

— Биз сени яхши кўрамиз ва соғинамиз, Пико. Яқин орада кўришамиз, дўстим, — дея сўзини якунлайди Рамос.