Сервер Жепаров Қашқадарёда воҳа футболчиларини селекция қилди

Яқинда Навоий вилоятида бўлиб ўтган Республика Кубогига ташриф буюрган Жепаровнинг рўйхатидан 26 нафар футболчи ўрин олган эди. Ўзбекистондаги барча 2006 йилларда таваллуд топган футболчиларни яхшилаб ўрганишни мақсад қилган мураббий 22-25 октябрь кунлари воҳа жамоаларини кузатди. ЎФА ва Қашқадарё футбол ассоциацияси билан ҳамкорликда ташкил қилинган "Воҳа Кубоги"да Сурхондарё, Қашқадарё, Жиззах ва Самарқанддан ташриф буюрган жамоалар иштирок этдилар.

Финал

"Насаф" - Жиззах академия 0:1

3-ўрин учун баҳс

Самарқанд терма жамоаси - Қашқадарё академия 2:0

Эндиги селекция ишлари 18-25 ноябрь куни водий жамоалари иштирокида бўлиб ўтади. Айрим сабабларга кўра Хоразм ва Қорақалпоғистон Республикаси жамоалари воҳада бўлиб ўтган мусобақада қатнаша олмадилар. Шу боисдан бу икки ҳудудга бош мураббийнинг ўзи ташриф буюради ва у ердаги футболчиларни кўздан кечиради.

Шу кунгача Ўзбекистон ўсмирлар терма жамоаси 13 ёшдан йиғилмаган. Бундай ҳолат илк маротаба кузатилаяпти. Режага кўра жорий йилнинг декабрь ойида илк йиғин ташкил қилинади. Айни пайтда жисмоний ҳолати суст бўлган футболчилар ҳам назоратдан четда қолмайди. Улар учун "Б" терма жамоаси шакиллантирилади. Мазкур терма жамоанинг асосий вазифаси ўсмирлар ўртасидаги муваффақиятга эришган ҳолда, кейинчалик МТЖга яхши савиядаги футболчиларни етказиб бериш ҳам.