Сервер Жепаров: “Ал Айн” яхши жамоа, уларга паст баҳо бериб бўлмайди”
13 sep 2016 11:53
News

Сервер Жепаров: “Ал Айн” яхши жамоа, уларга паст баҳо бериб бўлмайди”

Тошкентнинг “Локомотив” клуби бугун ОЧЛнинг чорак финал жавоб учрашувида БААнинг “Ал Айн” жамоасига қарши баҳс олиб боради.

Кеча “темирйўлчилар” “Бунёдкор” стадионида расмий ўйинолди машғулотини ўтказди. Ушбу машғулотдан сўнг “Локомотив” клуби футболчиси Сервер Жепаров бугунги ўйиндан олдин ўз фикрлари билан ўртоқлашди.

“Ўйинга ҳар доимгидек тайёргарлик кўрдик. “Ал Айн”га қарши ўйиндан фақат ғалаба кутяпмиз. “Ал Айн” яхши жамоа, уларга баҳо бериб бўлмайди. Биз ҳам ўзимизнинг энг яхши ўйинимизни кўрсатишимиз керак.

Биз уларни ўйинига эмас ўзимизни ўйинимизни қарашимиз керак. Улар сафида кучли футболчилар кўп. Мисол учун, Умар Абдулраҳмон, Дуглас ва яна бир қанча футболчилар. Уларга қарши восита топишимиз керак, қолгани бизни сценарийимиз бўйича кетади”, - дейди “Локомотив” клуби футболчиси Сервер Жепаров.

Жаҳонгир Сотволдиев

Link :

Source : championat.asia

Receive latest football news directly on your phone. Subscribe for our Telegram channel!

Rating: +5