Сергей Лушан: "Сатонинг ажойиб голидан сўнг "Бухоро" ҳимояси "очилди"..."

- Ўйин осон ўтгани йўқ Биринчи бўлимда рақиб кўпроқ муаммолар тақдим этди. "Бухоро" яхши ҳимояланганди. Биз уларни ҳимоясини ёриб ўтиш қийин бўлишини билардик. Иккинчи таймда эса "Бухоро" анча чарчаб қолгани бизга қўл келди. Сатонинг ажойиб голидан сўнг "Бухоро" олдинга ўтди, уларнинг ҳимояси "очилди" ва бизда бўш ҳудудлар пайдо бўлди. Бундан эса унумли фойдаландик. Насимов жароҳатидан энди фориғ бўлмоқда. Унинг спорт формаси ҳозирги кунда бизни қониқтиради. Шунчаки жароҳатидан кейинги дастлабки ўйини бироз яхши чиқмади. Баҳодир бугунги учрашувга тўлиқ тайёр эмасди. Шу боис унга иккинчи бўлимда ўйин амалиёти учун имкон бердик. Насимов жамоамиз учун керакли футболчи. Биз ҳар доим ўз ўйинимизни кучайтириб боришга ҳаракат қиламиз. Футбол шундай ўйинки, унда рақиб қандай имкон берса шундоқ ўйналади. Бугун таблодаги ҳисоб 3:0 бўлди. Демак яхши иш олиб борганмиз ва ғалабага эришдик.