Сергей Лушан: "Ҳакам яққол пенальтини белгиламади"
25 oct 2016 18:09
News

Сергей Лушан: "Ҳакам яққол пенальтини белгиламади"

Ўзбекистон кубоги ярим финал доирасидаги "Локомотив" - "Бунёдкор" (1:0) учрашувидан кейин ташкил этилган матбуот анжуманининг дастлабки қисмида "қалдирғочлар" устози Сергей Лушан иштирок этди.

- "Локомотив"ни ғалаба билан қутлайман. Ўйин яхши кечди. Биз уларга биргина имконият тақдим этдик ва бу гол билан якунланди. Дилшод Аҳмадалиев бугун ўзига билдирилган ишончни оқлади. Мен унинг ўйинидан 99 фоизга қониқдим. Фақатгина гол бўлган вазиятда эътиборни қочирди. Аҳмадалиев энди катта футбол ўйнашни бошламоқда. Бугун фақатгина ўша гол содир этилган вазиятда "ёшлик" қилиб қўйди. Қолган эпизодлар бўйича бу футболчига эътирозим йўқ.

Захирадан нега кеч фойдаландим? Ҳаммасини ўз вақтида бажардим. Керак бўлган вақтда ўзгаришлар амалга оширилди.

"Локомотив" Ўзбекистондаги энг кучли жамоалардан саналади. Лекин биз бугун уларга ҳужум қилиш имкониятини тақдим этмадик. Жамоамиз бугун ҳимоявий ўйин услубидан фойдаланди. Биргина хато қимматга тушди.

Ҳужумларга якуний нуқтани қўйишда суст ҳаракат қилдик.

Бугун ҳакам яққол пенальтини белгиламади.

Мен шуни айта оламанки, "Бунёдкор"нинг келажагидан кўнглим тўқ.

Link :

Source : championat.asia

Receive latest football news directly on your phone. Subscribe for our Telegram channel!

Rating: +6