Сергей Лушан: "Баъзида 3та гол уриб юта олмаймиз, баъзида 1та гол билан мағлуб бўламиз"

"Яхши ўйин кутаяпман. Рақиб жуда тартибли жамоа. Эрон футболи доим тартибга асосланган. Рақибни ўрганиб чиққанда кучсиз томонлари кам эканини кўрдик", - дейди Лушан. 

"Эртага ғалаба учун майдонга тушамиз. Эронда асосан ҳимоявий футбол ўйнашади. Эртага насиб қилса мухлисларни хурсанд қиламиз", - дейди Баҳодир Насимов. 

- "Бунёдкор"нинг ОЧЛдаги юриши ўтган йилгидек бўлмаяптими? Бу сизни ҳавотирга солмаяптими?

- Йўқ. Биз олдинга интилаяпмиз. Эртанги баҳс қандай бўлишини вақт кўрсатади. Барчаси майдонда ҳал бўлади, мен футболчиларимга ишонаман. Умид қиламанки ғалабага эришамиз. 

- Жамоа ўз майдонидаги охирги 4та ўйинда 0:1 ҳисобида ютқазди. Бунга изоҳ борми?

- Баъзида 3та гол уриб юта олмаймиз, баъзида 1та гол ўтказамиз ва мағлуб бўламиз. Бу футбол унда барча нарса бўлиши мумкин. 

- Ҳимоявий ўйин устида ишландими?

- "Зоб Аҳан" сафида ҳар бир футболчи ўз ишини 100 фоизга бажаришга ҳаракат қилади. Эртага рақиб қарши ҳужумда ўйнайди.

- Машғулотларда қайсидир футболчилар қолиб ўз устиларида ишлашадими? 

- Албатта, кўпинча ёшлар кўп ишлашади. Машғулотлар етарли даражада ўтказилади. 

- Сиз Эронда ўйнагансиз. "Зоб Аҳан" ҳақида қандай маълумотларингиз бор?

Баҳодир Насимов: - Жамоа сафига собиқ клубим "Падидеҳ"дан икки футболчи қўшилди. Эронда асосан 11 нафар футболчи ҳужумда ва 11 нафар ҳимояда ўйнайди. Эртага ғалаба учун ҳаракат қиламиз. 

Нарзулла Сайдуллаев