Сергей Лебедев: "Ҳакамлар устидан шикоят ёзаман"
05 may 19:32
News

Сергей Лебедев: "Ҳакамлар устидан шикоят ёзаман"

Про лига 5-туридан ўрин олган "Олимпик" – "ФарДУ" (2:1) ўйинидан сўнг меҳмонлар бош мураббийи Сергей Лебедев фикрларини билдирди.

- Ўйин ҳақида

- Яхши ўйин бўлди, менга ёқди. Бироқ ҳакамларнинг ўйиндаги қарорларидан қониқмадим, уларнинг устидан шикоят ёзаман. Биринчи таймда бурчак зарбаси орқали урган ҳаққоний голимизни ҳисоблашмади. Футболчи бирга-бир ҳолатда йиқитиляпти, ҳуштак йўқ. "Олимпик"нинг биринчи голида офсайд бор эди. Футболчиларга эътироз йўқ, аммо ҳакамликдан норозиман.

- Жамоангиз ўйини иккинчи гол ва қизил карточкадан кейин анча кучайиб, ҳужумкорроқ ҳаракат қила бошлади. Жамоа худди шу ўйинини аввалроқ кўрсатишига нима халақит қилди?

- Қизил карточка ўйин охирида кўрсатилди. Жамоамиз унгача вазиятлар яратмадими? Албатта, вазиятларимиз кўп эди. Бу – футбол. Йўқотадиган нарсамиз йўқ эди, шунинг учун ҳамма олдинга ўтди. Орқада фақат икки киши қолди.