Сергей Арслонов: "Мухлислар томонидан тайёрланган совғалар биз учун кутилмаган бўлди"
01 dec 2023 19:50
News

Сергей Арслонов: "Мухлислар томонидан тайёрланган совғалар биз учун кутилмаган бўлди"

Tags : "Сўғдиёна""Сурхон"Сергей Арсланов

Coca-Cola Суперлиганинг 26-туридан ўрин олган "Сўғдиёна" - "Сурхон" (0:2) учрашувидан сўнг меҳмонлар бош мураббийи Сергей Арслонов матбуот анжуманида иштирок этди.

- Клуб мухлисларини ва раҳбариятини ғалаба билан табриклайман. Жамоа ўйинида мувозанат бўлди, айтайлик ҳужумда ҳам, ҳимояда ҳам. Йигитлар кўрсатмаларни тўғри бажаришди.

- Сиз ўйин вақтида "Андижон" иштирокидаги учрашув натижасини кузатиб бордингизми?

- Йўқ, телефоним ёнимда эмасди. Агар имконият бўлганида ҳам бунга фурсат топа олмасдим эҳтимол. Чунки бор эътиборимиз фақат ўзимизнинг ўйинга қаратилганди.

- Жамоа мухлислари сиз ва легионерлар учун миллий чопон тақдим этишди. Таасуротлар қандай?

- Албатта, бу жуда ёқимли ва яхши. Очиғи, биз учун кутилмаган холат бўлди. Биз учун энг яхши мухлислар "Сурхон" ишқибозлари ҳисобланишади. Улар бутун мавсум давомида ҳеч қандай масофага қарамасдан бизни ажойиб тарзда қўллаб-қувватлашди.

Link :

Source : championat.asia

Receive latest football news directly on your phone. Subscribe for our Telegram channel!

Rating: +8