Сергей Лушан: "Ал Наср" икки бўлим ҳужум қилди, лекин биз каби 1 очкога эга бўлди"

“Очиғини айтсам, натижадан қониқдим, лекин кўрсатган ўйинимиз яхши чиқмади, - деб гап бошлади Лушан.

“17 соатлик йўл босишимиз ўз таъсирини кўрсатди. Биз бугун кўпроқ рақиб ҳужумларини буздик, ўзимиз ташкил қилолмадик. "Ал Наср" кучли жамоа. Уларнинг майдонидан очко билан қайтишимиз, ўйлашимча ҳозирги ҳолатимиз учун яхши натижа. Ўйиндан ўйинга ҳолатимиз яхшиланади ва бундан кучлироқ ўйин кўрсатамиз.

Бугун ёшларимиз мени хурсанд қилди. "Бунёдкор" футбол мактаби Осиёда энг кучли академия деб бемалол айта оламан. Бугун баъзи ёш футболчиларим бу каби кўп мухлис қаршисида биринчи бор тўп тепишди. Ўзларини йўқотиб қўйишмади. Яқин йиллар ичида "Бунёдкор"нинг 80 фоиз ўйинчилари ўз тарбияланувчиларимиз ҳисобига тўлдирилади. Тартиб ҳар доим маҳоратдан устун келади. “Ал Наср” 2 бўлим ҳужум қилди, лекин улар ҳам, биз ҳам 1 очко ишладик!”, - деб ўз фикрларини якунлади Сергей Лушан.


"Бунёдкор" матбуот хизмати