Сергеев олий лигада "Пахтакор"дан 5-тўпурар

Олий лига тарихида шу пайтгача жамоамиз футболчилари 4 марта энг яхши тўпурар номига эга бўлишган. 1992 йил Валерий Кечинов 24, 1998 йил Миржалол Қосимов ва Игорь Шквирин 22тадан, 2005 йил эса Анвар Солиев 29 гол билан тўпурарга айлангади. Сергеев 2005 йилдан кейин олий лига тўпурарлари рўйхатида энг кўп гол урган ўйинчига айланди. Солиевдан кейин ҳеч бир футболчи бир мавсумда 23 тўп кирита олмаганди. Шунингдек, Игорь 3та голли пас бериб, гол+пас тизимида энг кўп очко жамғарган футболчига айланди. Собиқ Иттифоқ чемпионатида Биродар Абдураимов 2 бор, Андрей Якубик ва Игорь Шквирин бир мартадан мавсум тўпурарлигига эришишган.

Сергеев Чемпионлар лигасида 6 учрашувда 3 гол ва 2 гол билан тугаган тўп оширишларини амалга оширди. Миллий терма жамоада йил давомида 10 ўйинда 6 бор рақиб дарвозасини ишғол қилди. Терма жамоамиз сафида Осиё Кубогида бир, жаҳон ва Осиё чемпионати саралаш босқичида 2 бор ўйиннинг энг яхши футболчиси деб топилди ва бу борада терма жамоамизда энг яхши натижани қайд этди. Йил давомида Игорь жами 50 баҳсда иштирок этиб, 32 гол муаллифига айланди.